| 3 | Et voyant que cela estoit agreable aux Juifs, il fit encore davantage, et s’avança d’empoigner aussi Pierre. |
| 4 | Or c’estoit és jours des pains sans levain. Et quand il l’eut empoigné, il le mit en prison et le bailla à garder à quatre quatraines de soldats: le voulant produire au supplice devant le peuple apres la [feste de] Pasque. |
| 5 | Ainsi Pierre estoit gardé en la prison: mais l’Eglise faisoit sans cesse des prieres à Dieu pour lui. |
| 6 | Et comme Herode le devoit produire au supplice, Pierre dormoit cette nuit-là entre deux soldats, lié de deux chaines, et les gardes devant la porte gardoyent la prison. |
| 7 | Et voici, un Ange du Seigneur survint, et une lumiere resplendit en la prison: et frappant le costé de Pierre, il l’esveilla, disant, Leve-toi legerement. Et les chaines tomberent de ses mains. |
| 8 | Alors l’Ange lui dit, Cein-toi, et chausse tes souliers. Ce qu’il fit. Puis il lui dit, Jette ta robbe sur toi et me sui. |
| 9 | Lui donc sortant, le suivit, et il ne sçavoit point que ce qui se faisoit par l’Ange fust vrai: mais il pensoit voir quelque vision. |
| 10 | Et quand ils eurent passé la premiere et la seconde garde, ils vinrent à la porte de fer, qui se rend en la ville, laquelle s’ouvrit à eux d’elle-mesme; et estans sortis ils passerent une ruë et incontinent l’Ange se departit de lui. |
| 11 | Alors Pierre estant revenu à soi-mesme, dit, Je connois maintenant pour vrai que le Seigneur a envoyé son Ange, et m’a delivré de la main d’Herode, et de toute l’attente du peuple des Juifs. |
| 12 | Et ayant consideré [le tout], il vint en la maison de Marie, mere de Jean surnommé Marc: où plusieurs estoyent assemblez, et faisans des prieres. |
| 14 | Laquelle ayant connu la voix de Pierre, de joye n’ouvrit point le porche: mais s’encourut en la maison, et annonça que Pierre estoit devant le porche: |
| 15 | Et ils lui dirent, Tu es folle: Mais elle au contraire affirmoit qu’il estoit ainsi: et eux disoyent, C’est son Ange. |
| 16 | Mais Pierre continuoit à heurter: et quand ils eurent ouvert, ils le virent, et furent comme ravis hors d’eux-mesmes. |
| 17 | Et lui leur ayant fait signe de la main qu’ils fissent silence, leur recita comment le Seigneur l’avoit mis hors de la prison, et leur dit, Annoncez ces choses à Jaques et aux frères. Puis sortant de là, il s’en alla en un autre lieu. |
| 18 | Mais le jour estant venu, il y eut un grand trouble entre les soldats, pour sçavoir ce que Pierre seroit devenu. |
| 19 | Et Herode l’ayant cherché, et ne le trouvant point, apres en avoir fait le procez aux gardes, commanda qu’ils fussent menez au supplice. Puis il descendit de Judée à Cesarée, où il sejourna. |
| 20 | Or il estoit en humeur de faire la guerre aux Tyriens et aux Sidoniens. Mais ils vinrent à lui tous d’un accord: et ayans gagné Blaste qui estoit chambellan du Roi, ils demanderent la paix, parce que leur païs estoit nourri de celui du roi. |
| 21 | Et en un certain jour ordonné, Herode revestu d’une robbe royale, s’assit au siege judicial, et les haranguoit. |
| 23 | Et à l’instant un Ange du Seigneur le frappa, parce qu’il n’avoit point donné gloire à Dieu: il fut rongé de vermine, et rendit l’esprit. |
| 25 | Barnabas aussi et Saul, apres avoir accompli leur charge, retournerent de Jerusalem, ayans aussi pris avec eux Jean, qui estoit surnommé Marc. |