| 1 | Or, frères, nous vous prions par l’advenement de nostre Seigneur Jésus Christ, et par nostre recueil en lui. |
| 2 | Que vous ne soyez point tost esbranlez d’entendement, ni troublez par esprit, ni par parole, ni par epistre, comme de par nous, comme si la journée de Christ estoit prochaine. |
| 3 | Que nul ne vous seduise en quelque sorte que ce soit: car ce jour-là ne viendra point que premierement ne soit advenuë la revolte, et que l’homme de peché ne soit revelé, le fils de perdition: |
| 4 | Qui s’oppose et s’éleve contre tout ce qui est nommé Dieu, ou qu’on adore, jusques à estre assis comme Dieu au temple de Dieu, se portant comme s’il estoit Dieu. |
| 7 | Car déja le mystere d’iniquité se met en train: seulement celui qui obtient maintenant, obtiendra jusques à ce qu’il soit aboli. |
| 8 | Et alors le meschant sera revelé, lequel le Seigneur deconfira par l’Esprit de sa bouche, et abolira par la clarté de son advenement: |
| 9 | Duquel meschant l’advenement est selon l’efficace de Satan: en toute puissance, et signes, et miracles de mensonge: |
| 10 | Et en toute seduction d’iniquité, en ceux qui perissent: dautant qu’ils n’ont point receu la dilection de verité, pour estre sauvez: |
| 12 | Afin que tous ceux-là soyent jugez qui n’ont point creu à la verité, mais ont pris plaisir à l’iniquité. |
| 13 | Mais, ô frères bien aimez du Seigneur, nous devons toûjours rendre graces à Dieu quant à vous, de ce que Dieu vous a éleus dés le commencement à salut, en sanctification d’Esprit, et par la foi de verité. |
| 14 | A quoi il vous a appellez par nostre Evangile, à l’acquisition de la gloire de nostre Seigneur Jésus Christ. |
| 15 | C’est pourquoi, frères, demeurez fermes, et retenez les enseignemens que vous avez appris, soit par nostre parole, ou par nostre Epistre. |
| 16 | Or lui-mesme Jésus Christ, nostre Seigneur, et nostre Dieu et Pere qui nous a aimez et nous a donné consolation eternelle, et bonne esperance en grace, |