| 1 | Paul et Silvain, et Timothée, à l’Eglise des Thessaloniciens, qui est en Dieu nostre Pere et au Seigneur Jésus Christ: |
| 3 | Freres, nous devons toûjours rendre graces à Dieu de vous, comme c’est bien raison, dautant que vostre foi croist grandement, et que la charité de chacun de vous abonde de l’un envers l’autre. |
| 4 | Tellement que mesmes nous nous glorifions de vous és Eglises de Dieu, à cause de vostre patience et de vostre foi en toues vos persecutions et afflictions que vous soustenez: |
| 5 | Lesquelles sont une manifeste demonstration du juste jugement de Dieu: à ce que vous soyez repurez dignes du royaume de Dieu: pour lequel aussi vous souffrez. |
| 7 | Et à vous qui estes affligez, relasche avec nous, lors que le Seigneur Jésus sera revelé du ciel avec les Anges de sa puissance, |
| 8 | Avec flamme de feu, exercant vengeance contre ceux qui ne connoissent point Dieu, et qui n’obeïssent point à l’Evangile de nostre Seigneur Jésus Christ. |
| 9 | Lesquels seront punis de perdition eternelle, de par la face du Seigneur, et de par la gloire de sa force. |
| 10 | Quand il viendra pour estre glorifié en ses Saints, et estre rendu admirable en tous les croyans (parce que nostre témoignage envers vous a esté creu) en ce jour-là. |
| 11 | Pour laquelle cause aussi nous prions toûjours pour vous, que nostre Dieu vous rende dignes de sa vocation, et accomplisse en vous tout le bon plaisir de sa bonté, et l’oeuvre de la foi puissamment: |
| 12 | Afin que le Nom de nostre Seigneur Jésus Christ soit glorifié en vous, et vous en lui, selon la grace de nostre Dieu, et du Seigneur Jésus Christ. |