| 3 | Comment par revelation il m’a donné à connoistre le mystere: (ainsi que par ci-devant je vous ai escrit en peu de mots: |
| 5 | Lequel n’a point esté donné à connoistre aux enfans des hommes és autres âges, ainsi que maintenant il a esté revelé par l’Esprit à ses saints Apostres et Prophetes: |
| 6 | Assavoir que les Gentils sont coheritiers, et d’un mesme corps, et participans ensemble de la promesse d’icelui en Jésus Christ, par l’Evangile. |
| 7 | Duquel j’ai esté fait ministre, selon le don de la grace de Dieu, lequel m’a esté donné suivant l’efficace de sa puissance. |
| 8 | Cette grace m’a esté donnée à moi qui suis le moindre de tous les Saincts, pour annoncer entre les Gentils les richesses incomprehensibles de Christ: |
| 9 | Et pour mettre en evidence devant tous quelle est la communication du mystere, qui estoit caché de tout temps en Dieu, qui a creé toutes choses par Jésus Christ: |
| 10 | Afin que la sapience de Dieu, qui est diverse en toutes sortes, soit maintenant donnée à connoistre aux Principautez et aux Puissances, és lieux celestes, par l’Eglise: |
| 13 | C’est pourquoi je requiers que vous ne vous lassiez point à cause de mes tribulations que j’endure pour l’amour de vous; ce qui est vostre gloire. |
| 16 | Afin que selon les richesses de sa gloire, il vous donne d’estre puissament fortifiez par son Esprit en l’homme interieur: |
| 18 | Afin qu’estant enracinez et fondez en charité, vous puissiez finalement comprendre avec tous les Saincts, quelle est la largeur et la longueur, et la profondeur et la hauteur; |
| 19 | Et connoistre la dilection de Christ, laquelle surpasse toute connoissance: afin que vous soyez remplis en toute plenitude de Dieu. |
| 20 | Or à celui qui par la puissance qui agit en nous avec efficace, peut faire en toute abondance par dessus tout ce que nous demandons et pensons, |